კენ ვოლკერის კლინიკის კონსულტანტი და თბილისის სახელმწიფო სამედიცინო უნივერსიტეტის სპორტული მედიცინისა და რეაბილიტაციის კლინიკური ცენტრის დირექტორი. აქვს 30-წლიანი კლინიკური პრაქტიკისა და 12-წლიანი სამედიცინო პედაგოგიური სტაჟი. მისი სამუშაო სფეროებია: სპორტსმენთა წინა საშეჯიბრო სკრინინგული კვლევები - საყრდენ-მამოძრავებელი სისტემის ტრავმული დაზიანებების პრევენცია, მკურნალობა და რეაბილიტაცია; იმავდროულად, ტრავმატოლოგიური და ორთოპედიული პაციენტების წინასაოპერაციო და პოსტოპერაციული სარეაბილიტაციო მართვა. 8 წლის განმავლობაში იყო საქართველოს სპორტული მედიცინის ასოციაციის პრეზიდენტი. 2005 წლიდან არის გერმანიის სპორტული მედიცინისა და პრევენციის ასოციაციის საპატიო წევრი. 2021 წლიდან კი - საქართველოს სპორტული მედიცინის ასოციაციის გენერალური მდივანი. 2005-2017 წლებში იყო საქართველოს ფეხბურთის ფედერაციის სამედიცინო სამსახურის ხელმძღვანელი, ხოლო 2004 წლიდან არის საქართველოს ოლიმპიური ნაკრები გუნდების ექიმი-კონსულტანტი. არის 19 სამეცნიერო სტატიის ავტორი.
